PERSÓNUVERNDARSTEFNA

Brúar – félags stjórnenda (BRÚ)

BRÚ – félag stjórnenda fagnar nýrri persónuverndarlöggjöf (GDPR) sem kemur til framkvæmda   25. maí 2018 í Evrópu. Persónuvernd og öryggi því tengt er lykilatriði í starfsemi félagsins og einnig í starfi félagsmanna sinna.  Nauðsyn var á skarpari reglum sem snúa að meðferð fyrirtækja og stofnanna á persónuupplýsingum og eru reglurnar því kærkomin réttarbót.  

Ný persónuverndarstefna Brúar félags stjórnenda er eftirfarandi:

Almennt

• BRÚ leggur áherslu á öryggi persónuupplýsinga félagsmanna.
• BRÚ leggur áherslu á að farið sé með allar persónuupplýsingar í samræmi við lög og reglur um persónuvernd og úrvinnslu persónuupplýsinga (Persónuverndarlögin).
• BRÚ leggur áherslu á að vinnsla á persónugreinanlegum upplýsingum sér takmörkuð, að því marki að hægt sé að veita þá þjónustu sem félaginu ber að veita félagsmönnum.
• BRÚ leggur áherslu á ábyrga vinnslu upplýsinga um félagsmenn og að sú vinnsla sé gerð á ábyrgan, öruggan eða löglegan hátt.
• BRÚ leggur áherslu á að allar upplýsingar um félagsmenn Brúar, sem látnar eru félaginu í té eða sem BRÚ sækir með þeirra leyfi til þriðja aðila eru eingöngu sóttar í þeim tilgangi að hægt sé að veita þeim þá þjónustu sem þeir eiga rétt á.

Persónuupplýsingarnar

BRÚ ábyrgist:

Að nota aðeins persónuupplýsingar í lögmætum tilgangi.

Að þegar deilt er persónuupplýsingum félagsmanna með þriðja aðila, í lögmætum tilgangi, t.d. vegna tæknilegs viðhalds eða þjónustu vegna greiðslu (hér með þriðju aðilar), skuldbindur BRÚ að vinnsla slíkra upplýsinga takmarkist við þá þjónustu sem inna skal af hendi.

Að tryggja fullan trúnað þriðju aðila við vinnslu persónugreinanlegra upplýsinga.

Að félagsmenn í  BRÚ séu eigendur að sínum eigin persónuupplýsingum, hafi einir aðgang að slíkum upplýsingum, ásamt starfsfólki Brúar.

Tölfræðilegar samantektir

BRÚ áskilur sér rétt til að útbúa ópersónugreinanlegar tölfræðilegar samantektir og aðrar afleiddar upplýsingar sem án alls vafa eru ekki persónugreinanlegar og nota sér þær í starfi félagsins, til dæmis fyrir ársskýrslu BRÚ, fréttabréf og á fundum á vegum félagsins.

Heimasíða BRÚAR ( www.bfs.is )

Á Heimasíðu (vefsvæði) félagsins, kann félagið að safna tæknilegum upplýsingum um notkun, t.d. um tegund vafra, hvaða vefsíður notendur heimsækja á vefsvæðinu, heildartímann sem notendur verja á vefnum o.s.frv. Þess konar upplýsingar eru eingöngu notaðar til að bæta upplifun notenda af þjónustunni, t.d. með því að bæta hönnun þjónustunnar eða láta notendur vita af hugsanlegum tæknilegum vandamálum í búnaði þeirra. Engum pesónugreinanlegum upplýsingum skal safnað saman við slíka vinnslu.

Upplýsingar til 3. aðila

BRÚ skuldbindur sig að ekki afhenda, selja eða leigja persónuupplýsingar félagsmanna í BRÚ til þriðja aðila nema félaginu sé það skylt samkvæmt lögum eða samkvæmt skriflegri beiðni félagsmanns.

Bókhaldsgögn

Bókhaldsgögn Brúar eru vistuð í samræmi við öryggiskröfur persónuverndarlaganna og laga um færslu bókhalds og varðveislu þess.  Geymsla og vistun slíkra upplýsinga miðast við lög þess efnis.

Takmörkun ábyrgðar

Að því marki sem gildandi lög heimila, ber BRÚ enga skaðabótaábyrgð vegna atvika sem upp kunna að koma vegna þess hvernig þjónustan er notuð eða útveguð, nema ef hægt er að rekja slík atvik til stórfeldrar/vítaverðrar vanrækslu eða misferlis af ásetningi af hálfu Brúar.

BRÚ ber enga ábyrgð á töfum sem verða á þjónustunni eða því að þjónustan virki ekki sem skyldi vegna óviðráðanlegra atvika (force majeure).

Lög og lögsaga

Þessi persónuverndarstefna fellur undir íslensk lög. Leysa skal úr ágreiningi sem kann að rísa eða í tengslum við persónuverndarstefnuna fyrir Héraðsdómi Reykjavíkur ef ekki er hægt að leysa úr honum á annan hátt.

Breytingar

BRÚ áskilur sér rétt til þess að breyta og uppfæra persónuverndarstefnu þessa hvenær sem er. Við látum vita af slíkum breytingum á heimasíðu Brúar.

Tengiliðaupplýsingar

Ef þú óskar eftir nánari upplýsingum varðandi persónuverndarstefnu Brúar skaltu hafa samband við okkur hér:  Skrifstofa Brúar – félag stjórnenda,  Skipholt 50d, 105 Reykjavík. Netfang: bfs@bfs.is

Traust og trúnaður er eitt af einkunnarorðum Brúar – félags stjórnenda og leggur félagið mikla áherslu á að tryggja öryggi þeirra persónuupplýsinga sem félagsmenn í BRÚ treysta félaginu fyrir.

 Samþykkt af stjórn Brúar – félag stjórnenda